الفجر الباسم ~ Naughty~ on Nostr: الواحد لما بيتفرج دلوقتي على الـHighlights بتاعة ...

الواحد لما بيتفرج دلوقتي على الـHighlights بتاعة الماتش، والله والله بيتأكد إن الحكم ده واخد تعليمات، وش مفيهاش كلام. ولا عندنا نظرية مؤامرة ولا إحنا مزودينها.

سيبك من الحاجة اللي كل العالم بيتكلم فيها، إن الفاول اللي اتحسب علينا واتلغى لنا الهدف بسببه، هي نفس اللعبة بالحرف اللي اتعملت مع صلاح قبل هدف الأرجنتين، وماتحسبتش ركلة جزاء لصلاح. يعني الحكم بيقول مفيش نفس المعيار.

إنما الأعجب والأخطر، واللي مهزلة:

📌 يا جدعان، فاولين على رجل لعيبتنا في أول الماتش، بإنذارين من غير ولا كلمة، ومفيش حاجة.

📌 تاكلينج على صلاح، واللاعب ما نجحش في لعب الكورة، ومفيش إنذار.

📌 ضر ب في وش إمام عاشور، بدون أي تنافس على الكرة، يعني تعمد، ومفيش ولا حتى إنذار.

📌 زقة لمصطفى شوبير، بدون أي تنافس على الكرة، يعني تعمد، ومفيش ولا حتى إنذار.

📌 فاول صحيح 💯٪ لصلاح على حدود الـ18، ومباشرة قدام الجول، يعني فرصة شبه محققة لمصر، ومع ذلك مفيش أي قرار.

📌شد حمدي فتحي من التيشيرت من ماك أليستر اللي القناة الألمانية قالت ان مستحيل عدم احتسابها ركلة جزاء

خد بقى المفاجأة بعد كل ده الأرجنتين صفر إنذارات في الماتش كله!!!

لو دي مش تعليمات، تبقى إيه التعليمات؟
محمد عمر